Dy ushtarë të Koresë së Jugut humbën jetën pasi një helikopter ushtarak u rrëzua në një provincë veriore të hënën, thanë zyrtarët lokalë.
Helikopteri AH-1S Cobra i Grupit të 15-të të Aviacionit të Ushtrisë u rrëzua në orën 11:04 të mëngjesit sipas orës lokale, në provincën Gapyeong, rreth 55 kilometra në verilindje të Seulit, pasi u nis për një fluturim stërvitor në orën 09:45 të mëngjesit.
Dy oficerët në bord u dërguan në spital për shkak të arrestit kardiak, por ndërruan jetë nga plagët e marra. Sipas raportimeve, njëri ishte rreth të 50-ave dhe tjetri rreth të 30-ave.
Autoritetet thanë se incidenti nuk përfshinte zjarr apo shpërthim dhe po përgatiten të hetojnë shkakun e saktë të rrëzimit. Aksidenti ndodhi gjatë një fluturimi stërvitor që synonte njohjen e anëtarëve të ekuipazhit me procedurat e uljes emergjente.
Mbetet për t’u hetuar nëse aksidenti ndodhi teksa helikopteri po kthehej në bazë pas përfundimit të stërvitjes apo gjatë stërvitjes.
Ushtria koreane ka pezulluar të gjitha fluturimet e helikopterëve AH-1S dhe ka ngritur një komitet të posaçëm hetimor për të përcaktuar shkakun e saktë të aksidentit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
