Bullgaria ka arrestuar 35 persona të lidhur me një rrjet kriminal të përfshirë në trafikim në shkallë të gjerë të mallrave kulturore në të gjithë Evropën, raportoi të enjten agjencia e lajmeve BTA, duke cituar kreun e njësisë kundër krimit të organizuar të vendit.
“Kemi kryer 131 kontrolle. Brenda 24 orëve, u arrestuan 35 persona, gjetëm mijëra sende me vlerë kulturore, numri i të cilave është ende në rritje, dhe mbi 50 armë zjarri antike”, tha në një konferencë për mediat kreu i Drejtorisë së Përgjithshme për Luftimin e Krimit të Organizuar (GDBOP), Boyan Raev, sipas BTA.
Të enjten u kryen bastisje ndërkombëtare, të udhëhequra nga Bullgaria dhe të koordinuara me agjencitë Europol dhe Eurojust, gjatë të cilave u sekuestruan makina, kasaforta dhe sende të tjera.
Rrjeti kriminal kishte vepruar për më shumë se 16 vjet në Evropën Perëndimore, Ballkan, Shtetet e Bashkuara të Amerikës dhe më gjerë, tha zëvendësprokurori i qytetit të Sofjes Angel Kanev në një konferencë për mediat.
Hetimi filloi pas kontrollit të një shtëpie në Bullgari në vitin 2020, në të cilën policia sekuestroi rreth 7000 objekte kulturore me vlerë të paçmueshme historike dhe monetare, tha Europol në një deklaratë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
