Rusia ka ndërmarrë një sulm masiv me raketa balistike dhe dronë ndaj Kievit dhe rajonit përreth, duke vrarë të paktën 14 persona dhe duke plagosur 22 të tjerë, në një nga goditjet më vdekjeprurëse të këtij viti ndaj kryeqytetit ukrainas.
Sipas autoriteteve ukrainase, viktimat u regjistruan në distriktet Boryspil, Bucha dhe Fastiv, ndërsa sulmet shkaktuan dëme të mëdha në ndërtesa banimi dhe depo. Kryebashkiaku i Kievit, Vitali Klitschko, tha se ekziston frika se persona të tjerë mund të jenë të bllokuar nën rrënoja.
Nga ana tjetër, Ministria ruse e Mbrojtjes deklaroi se objektivat e sulmit ishin qendra logjistike dhe depo ushtarake në Kiev, si edhe tre anije mallrash pranë portit të Odesës që, sipas Moskës, transportonin armë dhe pajisje ushtarake.
Pas sulmit, Ukraina u bëri sërish thirrje aleatëve perëndimorë të furnizojnë vendin me më shumë raketa interceptuese për sistemet Patriot, ndërsa luftimet dhe sulmet ndaj infrastrukturës në të dyja vendet vijojnë të përshkallëzohen.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
