Presidenti i Sirisë, Ahmed al-Sharaa, lëshoi një dekret i cili pohon të drejtat e sirianëve kurdë, duke njohur zyrtarisht gjuhën e tyre dhe duke u rikthyer shtetësinë të gjithë sirianëve kurdë, raportoi të premten agjencia shtetërore e lajmeve SANA.
Dekreti i Sharaa-s erdhi pas përleshjeve të ashpra që shpërthyen javën e kaluar në qytetin verior të Alepos, duke shkaktuar të paktën 23 të vdekur, sipas ministrisë së Shëndetësisë të Sirisë, dhe duke detyruar më shumë se 150.000 të largohen nga dy zonat e qytetit të drejtuara nga kurdët.
Dekreti është njohja e parë zyrtare e të drejtave kombëtare kurde që nga pavarësia e Sirisë në vitin 1946.
Sharaa e bëri vitin e ri kurd, Novruzin, i cili bie më 21 mars, festë zyrtare dhe u dha shtetësi kurdëve, pasi 20% e tyre ishin zhveshur nga ajo sipas një regjistrimi të diskutueshëm të vitit 1962.
Në një fjalim televiziv ku njoftonte dekretin, Sharaa u bëri thirrje kurdëve të marrin pjesë aktive në ndërtimin e kombit, duke u zotuar të garantojë të drejtat e tyre.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
