Përplasja midis Donald Trump dhe Papa Leo-s XIV ka arritur në një fazë të re.
Administrata amerikane ka anuluar një kontratë prej 11 milionë dollarësh me Organizatën Bamirëse Katolike për të siguruar strehim dhe kujdes për fëmijët migrantë që hynë vetëm në Shtetet e Bashkuara, duke i dhënë fund një marrëdhënieje prej më shumë se gjysmë shekulli midis Kishës Katolike dhe qeverisë amerikane, e cila filloi me mbërritjen e të mërguarve të parë kubanë në Floridën Jugore.
Kjo përçarje vjen mes tensioneve në rritje midis administratës dhe katolikëve amerikanë, për shkak të kritikave të ashpra të Presidentit Trump ndaj papës së parë amerikan të Vatikanit.
Papa ka kritikuar vazhdimisht luftën kundër Iranit dhe imigracionin e paligjshëm. Zyra e Rivendosjes së Refugjatëve, pjesë e Departamentit Federal të Shëndetësisë, për vite me radhë ka paguar Organizatën Bamirëse Katolike në Miami për të strehuar fëmijët migrantë që hynë në Shtetet e Bashkuara pa mbikëqyrjen e prindërve ose të të rriturve.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
