Mali Olimp, simboli mitik i Greqisë, është përfshirë zyrtarisht në Listën e Trashëgimisë Botërore të UNESCO-s, pasi u vlerësua si një pasuri me rëndësi të jashtëzakonshme natyrore dhe kulturore për njerëzimin.
Vendimi u miratua unanimisht gjatë sesionit të 48-të të Komitetit të Trashëgimisë Botërore, që po zhvillohet në Busan të Koresë së Jugut. Me këtë njohje, Olimpi fiton statusin e një prej vendeve më të rëndësishme në botë për vlerat e tij natyrore, historike dhe simbolike.
Kryeministri grek Kyriakos Mitsotakis e cilësoi këtë si një arritje me rëndësi të veçantë kombëtare, duke theksuar se “Tashmë Olimpi mitik i përket gjithë njerëzimit dhe duhet të mbrohet përgjithmonë”.
Sipas tij, ky vlerësim jo vetëm që forcon pozicionin e Greqisë në skenën ndërkombëtare dhe nxjerr në pah trashëgiminë e saj kulturore, por krijon edhe mundësi të reja zhvillimi për zonat përreth malit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
