Mohammad-Bagher Ghalibaf, kryetari i Parlamentit të Iranit, reagoi ashpër ndaj kërcënimeve të ish-presidentit amerikan, Donald Trump, duke paralajmëruar për pasoja të rënda për Shtetet e Bashkuara dhe rajonin.
“Lëvizjet tuaja të pamatura po i zvarrisin Shtetet e Bashkuara në një ferr të gjallë për çdo familje, dhe i gjithë rajoni ynë do të digjet sepse ju këmbëngulni të ndiqni urdhrat e Netanyahut,” shkroi Ghalibaf në rrjetet sociale.
Ai shtoi se “nuk do të fitoni asgjë përmes krimeve të luftës” dhe theksoi se “e vetmja zgjidhje e vërtetë është respektimi i të drejtave të popullit iranian dhe dhënia fund e kësaj loje të rrezikshme.”
Edhe ish-ministri i jashtëm iranian, Ali Akbar Velayati, u shpreh me tone të forta ndaj Uashingtonit. Ai paralajmëroi se “nëse Shtëpia e Bardhë përsërit gabimet e saj të pamenduara, ajo do ta kuptojë shpejt se rrjedha e energjisë dhe tregtia globale mund të ndërpriten me një sinjal të vetëm.”
Velayati kritikoi më tej strategjitë amerikane, duke thënë se “Shtetet e Bashkuara kanë mësuar historinë nga Irani, por ende nuk e kanë mësuar gjeografinë e fuqisë.”
Deklaratat e Ghalibaf dhe Velayati vijnë në një moment tensioni në marrëdhëniet SHBA-Iran, duke reflektuar shqetësime mbi ndikimin rajonal dhe stabilitetin global.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
