Koreja e Veriut ka konfirmuar testimin e një sistemi të ri të lehtë për lëshimin e raketave shumëfunksionale dhe disa raketave taktike lundruese, raportoi media shtetërore Yonhap.
Udhëheqësi Kim Jong-un mbikëqyri gjithashtu testin.
Agjencia Qendrore e Lajmeve Koreane (KCNA) publikoi raportin një ditë pasi ushtria e Koresë së Jugut zbuloi lëshimin e disa raketave balistike me rreze të shkurtër veprimi (CRBM) dhe raketave artilerie drejt Detit të Verdhë nga zona Jongju e Provincës Phyongan të Koresë së Veriut.
“Testi i djeshëm ishte pjesë e planit të modernizimit të artilerisë dhe raketave të forcave të armatosura për të arritur qëllimin pesëvjeçar të zhvillimit të mbrojtjes kombëtare”, thuhej në raportin e KCNA-së.
Testi analizoi dhe vlerësoi rendimentin e kokës luftarake me qëllim të veçantë të raketës balistike taktike, besueshmërinë e raketës artilerie të kontrolluar 240 mm me një rreze të zgjatur qitjeje që përdor një sistem navigimi autonom ultra të saktë dhe saktësinë e goditjes së udhëhequr nga inteligjenca artificiale të raketës taktike të lundrimit”, shtoi ajo.
Kim shprehu “kënaqësi të madhe” me testin, duke e quajtur atë një sinjal të qartë të përparimit ushtarak dhe aftësisë luftarake në rritje.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
