Presidenti venezuelian Nicolas Maduro do të largohet nga pushteti me ose pa negociata.
Kjo është bindja e udhëheqëses së opozitës venezueliane Maria Corina Machado, fituese e Çmimit Nobel për Paqen, e cila shpjegoi në një intervistë me AFP se Maduro mund të merrte garanci për veten e tij nëse largohej nga pushteti në mënyrë paqësore.
Maduro aktualisht ka mundësinë të ecë drejt një tranzicioni paqësor. Jemi gati të ofrojmë garanci, garanci që nuk do t’i bëjmë publike derisa të ulemi në tryezën e negociatave.
Nëse ai vazhdon të rezistojë, pasojat do të jenë tërësisht të tijat. Në çdo rast, me ose pa negociata, ai do të japë dorëheqjen.
Lidhur me Çmimin Nobel për Paqen, Machado tha se ishte ende e tronditur.
“Ishte një nga surprizat më të mëdha të jetës sime dhe duhet të pranoj se edhe sot, tre ditë më vonë, ende po mendoj për të”, tha ajo, duke shtuar se shpresonte ta përdorte këtë fitore dhe presionin në rritje nga Shtetet e Bashkuara të Amerikës, për të rrëzuar një qeveri që kishte qenë në pushtet për më shumë se një çerek shekulli.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
