Steve Witkoff, Jared Kushner, të udhëhequr nga zëvendëspresidenti amerikan J.D. Vance, do të jenë në Islamabad mëngjesin e së shtunës, për bisedime me Iranin.
Njoftimi u bë nga zëdhënësja e Shtëpisë së Bardhë, Karoline Leavitt, në një konferencë për mediat, duke thënë se bisedimet do të zhvillohen në kryeqytetin e Pakistanit.
Leavitt hodhi poshtë raportimet e medias se Irani kishte mbyllur përsëri Ngushticën e Hormuzit në përgjigje të bombardimeve të intensifikuara të Izraelit ndaj objektivave në Liban, duke deklaruar se “ndërmarrja e një veprimi të tillë do të ishte krejtësisht e papranueshme”.
Ajo tha gjithashtu se Libani nuk është pjesë e marrëveshjes së përkohshme të armëpushimit, e cila duket të jetë një pikë mosmarrëveshjeje me Iranin.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
