Mossadi izraelit u ka bërë thirrje protestuesve iranianë që të intensifikojnë protestat e tyre, duke thënë se është i pranishëm me ta në terren, ku demonstratat kanë prekur të paktën dhjetë universitete të martën.
“Dilni në rrugë së bashku. Koha ka ardhur. Ne jemi me ju”, deklaroi shërbimi i inteligjencës izraelite në llogarinë e tij X, duke iu drejtuar protestuesve iranianë në persisht.
“Jo vetëm nga larg apo me fjalë. Ne jemi me ju edhe në terren”, shtoi mesazhi, i transmetuar në hebraisht nga radioja ushtarake.
Lëvizja protestuese kundër kostos së lartë të jetesës dhe përkeqësimit të situatës ekonomike u përhap në të gjithë Iranin dje, ku Presidenti Massoud Pezeshkian deklaroi se i dëgjoi “kërkesat legjitime” të protestuesve.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
