SHBA-të pritet të vazhdojnë sulmet ndaj Iranit, ndërsa pauza e shpallur së fundmi do të vlejë vetëm për objektet energjetike të vendit, raportoi Semafor duke cituar një zyrtar amerikan.
Sipas burimit të paidentifikuar, ndalimi pesëditor i sulmeve nuk përfshin objektiva të tjera strategjike si bazat ushtarake, marina, raketat balistike dhe infrastruktura e industrisë së mbrojtjes. Ai theksoi se operacionet fillestare në kuadër të “Epic Fury” do të vijojnë pa ndërprerje.
Raporti shton se Izraeli nuk është pjesë e bisedimeve mes Shtetet e Bashkuara dhe Iranit, të cilat janë cilësuar si “produktive” nga ish-presidenti Donald Trump.
Megjithatë, informacioni nuk ka mundur të verifikohet në mënyrë të pavarur. Ndërkohë, Reuters raportoi se Shtëpia e Bardhë, Departamenti i Shtetit dhe Pentagoni nuk kanë reaguar ende ndaj kërkesave për koment.
Trump deklaroi se ka zgjatur me pesë ditë afatin për goditjen e centraleve energjetike iraniane, nëse Teherani nuk hap plotësisht ngushticën strategjike të Hormuzit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
