Një analizë gjaku për më shumë se 50 lloje kanceri mund të ndihmojë në përshpejtimin e diagnozës.
Ky është përfundimi i një studimi të ri.
Rezultatet e një prove në Amerikën e Veriut tregojnë se testi ishte në gjendje të identifikonte një gamë të gjerë kanceresh.
Më shumë se gjysma e kancereve u zbuluan në një fazë të hershme, ku ato janë më të lehta për t'u trajtuar dhe potencialisht të shërueshme.
Testi Galleri, i prodhuar nga firma farmaceutike amerikane Grail, mund të zbulojë fragmente të ADN-së kanceroze që janë shkëputur nga një tumor dhe qarkullojnë në gjak. Aktualisht po testohet nga NHS.
Në studimin u përfshinë 25,000 të rritur nga SHBA-ja dhe Kanadaja gjatë një viti, ku pothuajse një në 100 prej tyre mori një rezultat pozitiv. Për 62% të këtyre rasteve, kanceri u konfirmua më vonë.
Hulumtuesi kryesor, Dr. Nima Nabavizadeh, tha se të dhënat treguan se testi mund të "dryshojë rrënjësisht qasjen e tyre ndaj shqyrtimit të kancerit.
Ai shpjegoi se kjo mund të ndihmojë në zbulimin e shumë llojeve të kancerit më herët, kur shanset për trajtim të suksesshëm apo edhe shërim janë më të mëdha.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
