Bashkëthemeluesi i firmës së kriptomonedhave Terraform Labs u dënua me 15 vjet burg pasi një gjykatë amerikane zbuloi se ekosistemi i tij i stablecoin-eve prej 40 miliardë dollarësh ishte mbështetur në mashtrimi.
Manjati 34-vjeçar i kriptomonedhave, Do Kwon, u dënua të enjten me 15 vjet burg për një mashtrim që zhduku kriptomonedha me vlerë 40 miliardë dollarë, shkatërroi organizatat bamirëse dhe i çoi disa investitorë në prag të vetëvrasjes.
Kwon, i diplomuar në Stanford, i njohur nga disa si “mbreti i kriptomonedhave”, kërkoi falje pasi dëgjoi të dëmtuarit, njërin në gjykatë dhe të tjerët në telefon, të cilët përshkruanin pasojat që mashtrimi i tij pati në jetën e tyre, duke përfshirë zhdukjen e të gjitha fondeve të pensionit të shumë njerëzve.
Gjykatësi Paul A. Engelmayer tha në një seancë dëgjimore njëditore për dënimin në një gjykatë federale të Manhattanit se rekomandimi i qeverisë për 12 vjet burg ishte paarsyeshëm dhe i butë dhe se kërkesa e mbrojtjes për pesë vjet ishte e paimagjinueshme dhe tejet e paarsyeshme.
Kwon rrezikonte një dënim maksimal prej 25 vitesh burg.
Gjykatësi e quajti “një mashtrim në një shkallë epike, breznore” dhe tha se Kwon kishte një kontroll pothuajse mistik mbi investitorët dhe shkaktoi shkatërrim njerëzor të pallogaritshëm.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
