Nënshkrimi i marrëveshjes tregtare midis Bashkimit Evropian dhe Amerikës së Jugut do të shtyhet në janar. Sipas mediave në Bruksel, shefja e Komisionit Evropian Ursula Von der Lejen ka shtyrë nënshkrimin e saj pas mospajtimit të Francës dhe Italisë. Brazili ka reaguar pozitivisht.
“Kryeministrja italiane Giorgia Meloni më kërkoi të kemi durim ndërsa më la të kuptoj se Italia do të jetë gati së shpejti për marrëveshjen”, tha Presidenti i Brazilit, Luiz Inacio Da Silva.
Marrëveshja tregtare mes Evropës dhe Brazilit, Argjentinës, Uruguait dhe Paraguait ka rreth 25 vjet që diskutohet. Sipas specialistëve të fushës, krijon një nga zonat më të mëdha ekonomike në botë, por fermerët francezë dhe italianë duan mbrojtje më të madhe, teksa frikësohen se do të dobësohen prej fluksit të mallrave të lira nga Brazili dhe fqinjët e tij.
Mijëra fermerë protestuan në Bruksel të enjten. Mbi 7 mijë fermerë me mbi 1,000 traktorë hynë në qytet ndërsa kërkuan nga liderët evropianë që të shtynin nënshkrimin e marrëveshjes.
Gjermania, Spanja dhe vendet nordike e mbështesin marrëveshjen, por Franca dhe Italia janë kundër.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
