Ministri i Jashtëm i Portugalisë, Paulo Rangel, njoftoi të dielën se vendi i tij njeh zyrtarisht shtetin palestinez.
“Njohja e shtetit palestinez përbën zbatimin e një linje themelore dhe konsistente të politikës së jashtme portugeze”, u tha Rangel gazetarëve nga selia e misionit të përhershëm të Portugalisë në OKB në Nju Jork.
Ministri theksoi se Portugalia mbështet zgjidhjen me dy shtete si rruga e vetme drejt një paqeje të drejtë dhe të qëndrueshme.
Është urgjente që të ketë një armëpushim. Hamasi nuk mund të ketë asnjë formë kontrolli në Gaza ose jashtë saj. Pengjet duhen liruar të gjithë menjëherë.
Rangel theksoi gjithashtu se njohja e shtetit palestinez “nuk e zhduk katastrofën humanitare në Gaza” dhe dënoi urinë, shkatërrimin dhe zgjerimin e vendbanimeve izraelite në Bregun Perëndimor.
Kështu, Portugalia u bashkohet vendeve që njoftuan njohjen e Palestinës, së bashku me Britaninë, Kanadanë dhe Australinë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
