Ushtria iraniane ka paralajmëruar se Ngushtica e Hormuzit nuk mund të konsiderohet “zonë e lirë veprimi” për Shtetet e Bashkuara, duke theksuar se çdo ndërhyrje e huaj në këtë rrugë detare strategjike do të përballet me përgjigje të shpejtë dhe vendimtare.
Sipas një deklarate të Shtabit Qendror Khatam al-Anbiya, të cituar nga agjencia iraniane e lajmeve Fars, të gjitha anijet tregtare që kalojnë përmes Ngushticës së Hormuzit duhet të ndjekin rrugët e përcaktuara nga autoritetet iraniane për të siguruar kalim të sigurt. Ndryshe, ato mund të përballen me rreziqe të mundshme.
“Çdo ndërhyrje e SHBA-së në Ngushticën e Hormuzit do të marrë një përgjigje të shpejtë dhe vendimtare nga forcat e armatosura,” thuhet në deklaratë, ku theksohet gjithashtu se kjo ngushticë është pjesë e sovranitetit të Republikës Islamike të Iranit dhe nuk mund të trajtohet si zonë e lirë veprimi për fuqitë e huaja.
Autoritetet ushtarake iraniane e kanë cilësuar sigurinë e kësaj rruge ujore si një “vijë të kuqe”, duke paralajmëruar se stabiliteti i saj mbetet prioritet i lartë për forcat e armatosura të vendit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
