Publikimi të enjten nga Hamasi dhe Xhihadi Islamik i tre videove që tregojnë dy pengje izraelite të dobësuar, ka rindezur debatin publik në Izrael rreth nevojës për të arritur një marrëveshje për lirimin e tyre sa më shpejt të jetë e mundur.
Dhjetëra mijëra njerëz u mblodhën në Tel Aviv të shtunën në mbrëmje në shenjë mbështetjeje për familjet dhe për të kërkuar lirimin e pengjeve.
Kryeministri izraelit Benjamin Netanyahu tha se ishte "i tronditur" nga videot e fundit të publikuara nga Hamasi që tregojnë pengjet izraelite në Rripin e Gazës.
U bëj thirrje vendeve të botës të mobilizohen për të dënuar pa mëdyshje abuzimet kriminale naziste të organizatës terroriste Hamas. Militantët e Hamasit po i lënë qëllimisht banorët e Rripit të Gazës të uritur, duke i penguar ata të marrin ndihmë.
Presidenti izraelit Isaac Herzog dhe Ministri i Jashtëm Gideon Saar reaguan në mënyrë të ngjashme, me këtë të fundit që njoftoi se kishte “dërguar një mesazh urgjent kolegëve të tij në mbarë botën” duke njoftuar iniciativën për të mbajtur një takim të posaçëm të Këshillit të Sigurimit të Kombeve të Bashkuara” mbi këtë çështje.
Në të njëjtën kohë, kreu i diplomacisë evropiane, Kaya Kallas, dënoi “imazhet tronditëse të pengjeve izraelite”, duke kërkuar lirimin e tyre “të menjëhershëm”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
