Agjencia e Kombeve të Bashkuara për Fëmijët (UNICEF) ka shprehur alarm të thellë për ndikimin e sulmeve ajrore të intensifikuara në Liban, duke paralajmëruar pasoja “shkatërruese dhe çnjerëzore” mbi fëmijët.
Sipas UNICEF, bombardimet e fundit të së martës kanë rezultuar në vdekjen e 33 fëmijëve dhe plagosjen e 153 të tjerëve brenda pak minutash.
Agjencia thekson se kjo valë dhune i shtohet një bilanci tronditës prej rreth 600 fëmijësh të vrarë ose të plagosur që nga 2 marsi.
Po ashtu, mbi një milion persona janë zhvendosur në të gjithë vendin, përfshirë rreth 390,000 fëmijë, shumë prej të cilëve janë detyruar të zhvendosen disa herë.
UNICEF raporton gjithashtu raste të fëmijëve të nxjerrë nga rrënojat, të tjerë të zhdukur dhe të ndarë nga familjet, ndërsa shumë prej tyre po përballen me trauma të rënda psikologjike pas humbjes së të afërmve dhe shtëpive.
“E drejta ndërkombëtare humanitare është e qartë: civilët, përfshirë fëmijët, duhet të mbrohen në çdo kohë,” thekson agjencia.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
