Ministri i Jashtëm i Rusisë, Sergej Lavrov, zhvilloi një bisedë telefonike me homologun e tij nga Republika Islamike e Iranit, Abbas Araghchi, me iniciativën e këtij të fundit, ku në fokus ishte situata e tensionuar në Lindjen e Mesme.
Gjatë bisedës, Lavrov theksoi se Moska shpreson që përpjekjet ndërkombëtare për uljen e tensioneve rreth Iranit të japin rezultat, duke nënvizuar se një normalizim i qëndrueshëm i situatës kërkon braktisjen e gjuhës së ultimatumeve dhe rikthimin në tryezën e negociatave.
Të dy ministrat u shprehën kundër çdo veprimi, përfshirë ato në kuadër të Këshillit të Sigurimit të OKB-së, që mund të dëmtojnë përpjekjet politike dhe diplomatike për zgjidhjen e krizës.
Në vijim, ata theksuan rëndësinë e ndalimit të menjëhershëm të sulmeve ndaj infrastrukturës civile, industriale dhe energjetike, duke përmendur në mënyrë të veçantë Centralin Atomik të Bushehrit, i cili operon nën mbrojtjen e Agjencisë Ndërkombëtare për Energjinë Atomike (IAEA). Sipas tyre, çdo kërcënim ndaj sigurisë së këtij objekti përbën rrezik serioz për një katastrofë të mundshme radioaktive në rajon.
Në fund të bisedës, Lavrov shprehu ngushëllimet për humbjen e jetës së një punonjësi iranian të uzinës, duke e cilësuar ngjarjen si shqetësuese në kontekstin e zhvillimeve të fundit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
