Bota e muzikës në Irlandë dhe më gjerë është në zi, për ndarjen e parakohshme nga jeta të Glen Hansard, i cili u bë i famshëm në vitin 2007 si kompozitori i këngës fituese të çmimit Oscar “Falling Slowly” nga filmi Once. Ai humbi jetën në një aksident me makinë në moshën 56 vjeç.
Hansard, raporton Irish Times, vdiq pasi humbi kontrollin e motoçikletës së tij në Lucan, në periferi të Dublinit.
I njohur si kantautor dhe kitarist, ai fitoi famë fillimisht në vend dhe më pas jashtë vendit brenda grupit Frames dhe më pas edhe si artist solo, duke u bërë një nga muzikantët më të vlerësuar të muzikës folk evropiane të dekadave të fundit.
I lindur në vitin 1970 në Ballymum, një periferi të Dublinit, ai e filloi karrierën e tij si muzikant rruge në kryeqytetin irlandez, përpara se të formonte Frames, një grup folk rock me të cilin bashkëthemeloi dhe vazhdoi të luante deri në fund.
Në fillim të të 20-ave, ai shpërtheu në film, duke luajtur rolin kryesor në komedinë muzikore “The Commitments”, duke arritur suksesin e tij të parë ndërkombëtar.
I përkushtuar ndaj kauzave sociale, Glen Hansard dha disa koncerte në mbështetje të fushatave për të pastrehët dhe u bë një pjesëmarrës i rregullt në festivalin tradicional të muzikës rrugore që mbahet çdo vit në prag të Krishtlindjeve në kryeqytetin irlandez.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
