Tre gra u plagosën me thikë në një sulm të kryer nga një 31-vjeçar mëngjesin e sotëm, në Paris, në zonën Porte de Clichy, në veriperëndim të kryeqytetit.
Gratë e moshës 19, 24 dhe 36 vjeç u dërguan menjëherë në spital, ku njëra nga viktimat thuhet se është shtatzënë.
Sipas raportimeve të policisë franceze, dy nga të plagosurat u dërguan në spital në gjendje kritike, ndërsa gruaja e tretë pësoi lëndime më të lehta.
Pas ngjarjes u bë arrestimi i 31-vjeçarit, i cili sipas raportimeve vuante nga probleme të shëndetit mendor.
Një video që po qarkullon në rrjetet sociale, i dyshuari dëgjohet të thotë: “Allahu më urdhëroi ta bëj këtë”, ndërsa mbahet i neutralizuar nga disa persona.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
