Qyteti japonez propozon një limit prej dy orësh në ditë për përdorimin e telefonave inteligjentë

Një qytet në qendër të Japonisë dëshiron të kufizojë përdorimin e telefonave inteligjentë për të gjithë banorët e tij në dy orë në ditë.

Propozimi, që besohet të jetë i pari i këtij lloji në Japoni, aktualisht po debatohet nga ligjvënësit, pasi u paraqit nga qeveria komunale e Toyoake në Aichi në fillim të kësaj jave.

Kryebashkiaku i Toyoake, qytet me 69 mijë banorë tha se propozimi i cili zbatohet vetëm jashtë punës dhe studimit nuk do të zbatohet në mënyrë strikte, por përkundrazi kishte për qëllim të "inkurajonte" banorët që ta menaxhonin më mirë kohën e tyre para ekranit.

Nuk do të ketë penalitete për shkeljen e rregullit, i cili do të miratohet në tetor nëse miratohet nga ligjvënësit.

"Limiti prej dy orësh është thjesht një udhëzues për të inkurajuar qytetarët", tha në një deklaratë kryetari i bashkisë së Toyoake, Masafumi Koki.

"Kjo nuk do të thotë që qyteti do të kufizojë të drejtat e banorëve të tij ose do të vendosë detyrime", tha ai.

Përdorimi i telefonave inteligjentë gjatë aktiviteteve jo të kohës së lirë, siç është shikimi i videove gjatë gatimit ose ushtrimeve, mësimi online nuk do të llogaritet.