Partia e ekstremit të djathtë Alternativa për Gjermaninë (AfD) e Gjermanisë ka kërkuar prej kohësh lidhje të ngushta me administratën Trump, në përpjekjen e saj për aleatë të fuqishëm ndërkombëtarë dhe për t'i dhënë fund izolimit të saj politik në vend.
Por, ndërsa sentimenti publik në Gjermani kthehet gjithnjë e më shumë kundër Presidentit të SHBA-së, Donald Trump, dhe ndërhyrjes së tij të jashtme në Venezuelë apo paralajmërimit për marrjen e Groenlandën, lidershipi i AfD po mban një distancë me shefin e Shtëpisë së Bardhë.
“Ai ka shkelur një premtim themelor zgjedhor, përkatësisht për të mos ndërhyrë në punët e vendeve të tjera, dhe duhet t’ua shpjegojë këtë votuesve të tij”, tha më herët këtë javë Alice Weidel, një nga udhëheqëset e AfD-së.
Tino Chrupalla, udhëheqësi tjetër AfD-së, e mbrojti pjesërisht Trumpin për ndjekjen e asaj që ai e percepton si interesa amerikane brenda "sferës së ndikimit" të vendit. Në të njëjtën kohë, ai dënoi gjithashtu qasjen që po ndiqte Trumpi.
"Metodat e Wild West duhen hedhur poshtë këtu, dhe qëllimi nuk i justifikon gjithmonë mjetet."
Duke u distancuar nga Trump, udhëheqësit e AfD-së po ndjekin rrugën e Frontit Nacional, parti e ekstremit të djathtë të Marine Le Pen në Francë. Këta të fundit kanë qenë kritikë, ku së fundmi Presidenti Jordan Bardella e akuzoi Trumpin për ambicie imperiale.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
