Presidenti i Serbisë, Aleksandër Vuçiç u tha gazetarëve në Nju Jork se do të japë dorëheqjen si President i Republikës të dielën në mbrëmje, sipas mediave të huaja.
“Po jap dorëheqjen të dielën në mbrëmje, kështu që do t’ju njoftoj, mendoj se do të jetë rreth orës tetë të mbrëmjes. Do t’ju njoftoj, do t’ju telefonoj të gjithëve, do të dëgjoni shpjegimin tim dhe gjithçka tjetër”, tha Vuçiç.
Vuçiç u shpreh se do të dijë më shumë rreth zgjidhjes së çështjes së Industrisë Serbe të Naftës brenda dy deri në tre ditësh.
Kur gazetarët e pyetën nëse situata është më e qartë kur bëhet fjalë për zgjidhjen në lidhje me NIS-in, Vuçiç tha se nuk dinte çfarë të përgjigjej saktësisht, por shpresonte që pas bisedës me Putinin të dinte diçka më shumë.
“Në ditët në vijim, para se të mbaroj mandatin tim, do të zhvilloj një bisedë me Presidentin Putin, kështu që, ky është lajmi për ju. Ne biseduam këtu, sigurisht, për marrëveshjet e energjisë dhe Industrinë e Naftës së Serbisë. Nuk di çfarë t’ju them. Ndoshta atëherë do të di diçka. Do të doja të isha në gjendje t’i bëja njerëzit dhe veten time të lumtur, për të qenë i sinqertë, pas këtyre muajve dhe viteve torture. Shpresoj që brenda dy ose tre ditësh të kem një përgjigje më të mirë dhe më të saktë për ju', tha ai.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
