Disa persona kanë mbetur të plagosur këtë të mërkurë, pas një sulmi në një institucion arsimor të ciklit të mesëm në qytetin Schongau, në landin e Bavarisë, Gjermani.
Policia bavareze njoftoi se një person i dyshuar është arrestuar pas incidentit në gjimnazin Welfen Gymnasium.
“Për momentin dimë se disa persona janë plagosur në Welfen Gymnasium. Një i dyshuar është ndaluar”, deklaruan forcat e rendit përmes një njoftimi në rrjetin social X.
Autoritetet u kanë bërë thirrje qytetarëve që të shmangin zonën, ndërsa deri tani nuk kanë dhënë detaje të tjera mbi natyrën e sulmit apo rrethanat e ngjarjes. Hetimet vijojnë për të zbardhur motivin dhe dinamikën e incidentit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
