Mbretëria e Bashkuar ka njoftuar se do të kontribuojë me avionë luftarakë, dronë dhe një anije luftarake në një mision shumëkombësh për mbrojtjen e transportit detar në Ngushticën e Hormuzit, një nga rrugët më strategjike të tregtisë globale të naftës.
Ministria britanike e Mbrojtjes bëri të ditur se operacioni, i mbështetur nga më shumë se 40 vende, do të ketë karakter mbrojtës dhe synon të rrisë sigurinë dhe qarkullimin e lirë të anijeve tregtare në zonë.
Në kuadër të këtij angazhimi, Londra do të vendosë edhe sisteme për zbulimin dhe çaktivizimin e minave detare, si dhe avionë Typhoon për patrullime ajrore.
Autoritetet britanike theksojnë se situata në rajon mbetet e tensionuar për shkak të përplasjeve dhe paqëndrueshmërisë mes SHBA-së dhe Iranit, që kanë ndikuar drejtpërdrejt në rritjen e rrezikut për trafikun detar.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
