Australia ka konfirmuar rastin e parë të virusit të gripit të shpendëve H5N1 në territorin e saj, pas rezultateve pozitive të testeve laboratorike te një zog deti i gjetur në jugperëndim të vendit.
Autoritetet australiane njoftuan se virusi u zbulua te një skua kafe migratore pranë Esperance, ndërsa edhe një pelikan gjigant në të njëjtën zonë rezultoi i infektuar.
Kryeministri Anthony Albanese e cilësoi situatën si shqetësuese, duke theksuar se qeveria do të ndërmarrë të gjitha masat e nevojshme për të parandaluar përhapjen e virusit: “Do të bëjmë gjithçka që mundemi për të frenuar çdo përhapje,” deklaroi ai në Sydney.
Ministrja e Bujqësisë Julie Collins sqaroi se deri tani nuk ka prova për përhapje të virusit në fermat e shpendëve apo në sektorin bujqësor, dhe nuk janë raportuar ngordhje masive të shpendëve. Megjithatë, autoritetet kanë forcuar masat e biosigurisë, testimet dhe planet e reagimit.
Varianti shumë patogjen H5N1 ka shkaktuar dëme të mëdha globale në vitet e fundit, duke prekur qindra miliona shpendë dhe duke ndikuar në zinxhirët ushqimorë dhe çmimet e produkteve.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
