Presidenti amerikan Donald Trump zhvilloi takime të ndara në Shtëpinë e Bardhë me presidentin ukrainas Volodymyr Zelensky dhe kryeministrin izraelit Benjamin Netanyahu, të cilat u cilësuan nga Shtëpia e Bardhë si "pozitive dhe produktive".
Pas takimit, Zelensky deklaroi se Trump ka rënë dakord t'i japë Ukrainës licenca për prodhimin vendas të raketave interceptuese Patriot, megjithëse deri tani nuk ka një konfirmim zyrtar nga Uashingtoni. Ukraina i konsideron këto sisteme jetike për mbrojtjen nga sulmet ajrore ruse.
Ndërkohë, biseda mes Trump dhe Netanyahut u përqendrua te Irani dhe siguria në Lindjen e Mesme. Netanyahu tha se të dy liderët ndajnë objektivin e përbashkët për të penguar Iranin të sigurojë armë bërthamore, duke e cilësuar takimin si "një nga bisedat më të mira" që ka pasur me një president amerikan.
Pas takimeve, Trump shkroi në rrjetin Truth Social se të dyja bisedimet "shkuan shumë mirë".
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
