Presidentët e SHBA-së dhe Iranit kanë nënshkruar një marrëveshje fillestare paqeje që hyn menjëherë në fuqi, me synimin për t’i dhënë fund konfliktit mes dy vendeve.
Dokumenti parashikon armëpushim të përhershëm, rihapjen e Ngushticës së Hormuzit, heqjen e sanksioneve amerikane ndaj Iranit dhe një plan rindërtimi prej 300 miliardë dollarësh.
Megjithatë, çështja e programit bërthamor iranian mbetet e pazgjidhur dhe do të negociohet gjatë një periudhe 60-ditore.
Presidenti amerikan Donald Trump e mbrojti marrëveshjen si një mënyrë për të shmangur krizën ekonomike globale, por paralajmëroi se SHBA-të do të reagojnë ushtarakisht nëse nuk arrihet një marrëveshje përfundimtare.
Nga ana tjetër, zyrtarët iranianë shprehën mosbesim ndaj Uashingtonit, duke theksuar se vendi mbetet i gatshëm të përgjigjet në rast të shkeljes së marrëveshjes.
Pakti ka shkaktuar debat të fortë në SHBA, ku republikanë dhe demokratë e kanë kritikuar për lëshimet ndaj Teheranit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
