Një zjarr shpërtheu në portin e naftës Ust-Luga në rajonin e Leningradit të Rusisë pas një sulmi me dron ukrainas më 25 mars.
Porti i Ust-Lugës është një nga portet më të mëdha shumëfunksionale të Rusisë në Detin Baltik, i vendosur në Gjirin e Finlandës.
Pas sulmit porti rus Ust-Luga ndaloi ngarkesat e naftës bruto, ndërsa Ukraina kreu sulmin ajror më intensiv ndaj armikut në më shumë se një vit, duke i vënë flakën disa prej objekteve portuale.
Shtabi i Përgjithshëm i Ukrainës tha në një deklaratë në Telegram se dronët goditën objektet e produkteve të naftës të Novatek PJSC në port, duke i vënë flakën rezervuarëve të magazinimit dhe pajisjeve të ngarkimit.
Ust-Luga është një pikë kyçe eksporti nafte ruse, duke transportuar rreth 450.000 fuçi naftë të papërpunuar në ditë muajin e kaluar.
Objektet e Novatek përpunojnë kondensat të qëndrueshëm të gazit në një gamë të produkteve të naftës për eksport, si naftë, karburant për avionë dhe gazoil.
Porti përmban edhe një terminal nafte të papërpunuar të operuar nga Transneft PJSC dhe terminale për transportimin e qymyrit, plehrave dhe ngarkesave të përgjithshme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
