Qeveria kubaneze i ka kërkuar Kombeve të Bashkuara ndihmë për të ndaluar një "agresion ushtarak" të mundshëm amerikan kundër ishullit, duke denoncuar rrezikun e një "gjakderdhjeje" dhe përkeqësimin e krizës humanitare të shkaktuar nga shtrëngimi i sanksioneve të SHBA-së kundër ishullit.
Kërkesa u bë nga Ministri i Jashtëm Bruno Rodriguez gjatë një takimi në Nju Jork me Sekretarin e Përgjithshëm të OKB-së Antonio Guterres, në margjinat e një sesioni të Këshillit të Sigurimit kushtuar mbrojtjes së së drejtës ndërkombëtare dhe sistemit shumëpalësh.
Në fjalimin e tij para Këshillit, Rodriguez akuzoi Uashingtonin se po ndjek një politikë "rrethimi energjitik" kundër ishullit, duke e quajtur atë "ekuivalente me një bllokadë detare" dhe për këtë arsye "një akt lufte".
Sipas ministrit, masat e reja të SHBA-së, duke përfshirë sanksionet dytësore dhe kufizimet e naftës, po përkeqësojnë mungesat e karburantit, ndërprerjet e energjisë dhe situatën shëndetësore të vendit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
