Ne jemi të gjithë të bashkuar në dëshirën tonë për një paqe të drejtë dhe të qëndrueshme, të cilën populli ukrainas e meriton.
Mbështesim fuqimisht qëndrimin e Presidentit Trump se luftimet duhet të ndalen menjëherë dhe se vija aktuale e kontaktit duhet të jetë pika fillestare për negociatat.
Ne mbetemi të përkushtuar ndaj parimit se kufijtë ndërkombëtarë nuk duhet të ndryshohen me forcë.
Një qëndrim i tillë u njoftua në një deklaratë të përbashkët të nënshkruar nga Presidenti ukrainas Volodymyr Zelensky, Kryeministri i Mbretërisë së Bashkuar Keir Starmer, Kancelari gjerman Friedrich Merz, Presidenti francez Emmanuel Macron, Kryeministrja italiane Giorgia Meloni, Presidentja e Komisionit Evropian Ursula von der Leyen dhe udhëheqës të tjerë europianë.
Deklarata vjen vetëm disa ditë përpara një takimi kritik të Këshillit Evropian të enjten, ku liderët e BE do të debatojnë përdorimin e aseteve të ngrira ruse për të financuar Ukrainën dhe shtrëngimin e sanksioneve ndaj Moskës.
Zelensky dhe anëtarët e të ashtuquajturit Koalicion i të Vullnetshmëve do të mblidhen të premten në Londër për të koordinuar mbështetje të mëtejshme ushtarake dhe financiare.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
