Hamasi po shqyrton një plan paqeje për Gazën të shpallur nga Donald Trump në Shtëpinë e Bardhë të hënën.
Në planin me 20 pika parashikohet përfundimi i luftimeve; kthimi i pengjeve izraelite; dhe një "Bord Paqeje" ndërkombëtar për të ndihmuar në drejtimin e Gazës, ku do të përfshihet ish-kryeministri britanik Tony Blair.
Por kryeministri izraelit Benjamin Netanjahu këmbëngul se plani nuk do të thotë shtetësi palestineze.
Trump, i cili e njoftoi planin së bashku me Netanjahun, thotë se nëse Hamasi nuk e pranon, ai i jep Izraelit "mbështetje të plotë për të bërë atë që do të duhej të bënte".
Thuhet se Hamasi po e shqyrton planin "me mirëbesim", ndërkohë, Izraeli vazhdon ofensivën e tij në Gaza.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
