Rusia nuk ka ndalur sulmet me dronë dhe raketa balistike mbi Ukrainë, duke dëmtuar rëndë infrastrukturën energjetike, si pasojë e të cilës mbi 1 milion njerëz kanë mbetur pa energji elektrike.
Në lidhje me sulmet ka reaguar edhe presidenti ukrainas Volodymyr Zelensky, i cili tha se ndërtesat e banimit dhe objektet energjetike u goditën në sulm rus, ku u përdorën 242 dronë dhe 13 raketa balistike. Sipas Zelensky-t, Rusia po shfrytëzon ditët e ftohta te dimrit për të kryer sulme mbi infrastrukturë dhe synimi i saj është shkatërrimi total i vendit.
"Sulmi ndodhi pikërisht në këto ditë të ftohta dimri dhe acari, duke vështirësuar jetën normale të qytetarëve. Raketa ruse goditën edhe ambasadën e Katarit në Ukrainë, një shtet që po bën kaq shumë për të ndërmjetësuar me Rusinë për arritjen e paqes."
Presidenti Zelensky, e akuzoi Rusinë për "tallje" dhe kërkoi sërish mbështetje nga Perëndimi, duke thënë ndër të tjera se kishte frikë nga "një sulm i ri masiv rus".
"Rusia duhet të marrë sinjale se është detyrim i saj të përqendrohet në diplomaci dhe duhet të ndiejë pasojat sa herë që përqendrohet përsëri në vrasje dhe shkatërrimin e infrastrukturës. Sulmet e fundit shërbejnë si një kujtesë shumë e fortë për të gjithë partnerët tanë se mbështetja e mbrojtjes ajrore të Ukrainës është një përparësi e përhershme."
Java që lamë pas ka qenë e ngjeshur për presidentin ukrainas në takime me ndërkombëtarët në përpjekje të vazhdueshme për të realizuar planin e paqes së propozuar nga SHBA, duke respektuar të gjitha pikat për të mos cenuar pjesën territorial të Ukrainës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
