Presidenti i SHBA-ve, Donald Trump, tha se do të donte të ndalonte luftën në Ukrainë, por pranoi se kjo duket e vështirë. Ai theksoi se urrejtja midis Presidentit rus Vladimir Putin dhe Presidentit ukrainas Volodymyr Zelensky është e paimagjinueshme.
Duke folur me gazetarët në “New Jersey”, Trump shtoi se Putin dhe Zelensky nuk janë të gatshëm të flasin me njëri-tjetrin. Ai gjithashtu kritikoi Evropën, duke thënë se ajo vazhdon të blejë naftë ruse, edhe nëse është indirekt, dhe argumentoi se vendet evropiane duhet të zbatojnë sanksione më të ashpra ndaj Moskës.
Trump i përshkroi sanksionet aktuale evropiane ndaj Rusisë si të pamjaftueshme. Ai theksoi se është i përgatitur të vendosë masa shtesë, por vetëm nëse Evropa forcon veprimet e saj për t'u përafruar me qasjen e tij.
"Evropa vazhdon të blejë naftë nga Rusia dhe unë nuk dua që ata të blejnë naftë nga Rusia. Sanksionet që ata vendosin nuk janë mjaftueshëm të ashpra dhe unë jam i gatshëm të vendos sanksione, por ata do të duhet të ashpërsojnë masat e tyre për t'u përputhur me atë që po bëj unë", tha ai.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
