Rusia ka hedhur poshtë me forcë pretendimet se është përpjekur të bllokojë sistemin GPS të një aeroplani ku ndodhej Presidentja e Komisionit Evropian, Ursula von der Leyen.
Sipas Brukselit, incidenti i dyshuar ndodhi gjatë udhëtimit të von der Leyen në Bullgari javën e kaluar.
Në një konferencë për shtyp të enjten, zëdhënësja e Ministrisë së Jashtme ruse, Maria Zakharova, i quajti akuzat “absurde” dhe “100% të rreme”.
Ajo shtoi se Moska do të vazhdojë të luftojë “rrjetin e gënjeshtrave të Perëndimit” që synon diskreditimin e Rusisë në skenën botërore.
Zakharova sugjeroi se pretendimet kishin për qëllim të shpërqendronin publikun nga “ngjarjet aktuale”, duke përfshirë problemet me ekonominë e BE-së dhe samitin e fundit të Organizatës së Bashkëpunimit të Shangait në Tianjin të Kinës, i cili përfundoi të hënën.
“Nuk është thjesht paranojë, por një komplot cinik për të shpërqendruar popullsinë e tyre nga situata ekonomike në përkeqësim e BE-së dhe nga shqyrtimi i fajtorëve të vërtetë pas krizës evropiane - elitat politike të papërgjegjshme dhe kleptokratike të Bashkimit Evropian”, tha ajo.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
