Lufta në Lindjen e Mesme, Rusia: Jemi gati të kompensojmë deficitin e burimeve energjetike të Kinës

Rusia është gati të “kompensojë” deficitin energjetik të pësuar nga Kina  dhe vendet e tjera për shkak të luftës në Lindjen e Mesme.

Kështu tha Ministri i Jashtëm rus Sergey Lavrov në Pekin këtë  të mërkurë. 

Lavrov, i cili ka vizituar Kinën që nga e marta, u takua të mërkurën me Presidentin Xi Jinping.

Të dy vendet kanë lidhje të ngushta diplomatike dhe ekonomike, janë partnerë të Iranit dhe rivalë të Shteteve të Bashkuara. 

"Rusia padyshim mund të kompensojë boshllëkun e burimeve që është shfaqur, si për Republikën Popullore të Kinës ashtu edhe për të gjitha vendet që janë të gatshme të punojnë me ne në një mënyrë të drejtë dhe të dobishme për të dyja palët", tha Sergey Lavrov në një konferencë të veçantë për shtyp pas takimit të tij me Xi Jinping.