Kryeministri sllovak Robert Fico ka dënuar operacionin e Amerikës në Venezuelë, duke akuzuar Uashingtonin se po vepron pa u ndëshkuar dhe se “shkel” ligjin ndërkombtar.
“Duhet ta dënoj dhe hedh poshtë pa mëdyshje këtë aventurë të fundit amerikane me naftën… edhe me koston që qëndrimi im i qartë dhe konsistent mund të përkeqësojë përkohësisht marrëdhëniet sllovako-amerikane”, tha Fico në një deklaratë të hënën, duke akuzuar Uashingtonin për shkelje të ligjit. “Fuqitë e mëdha sot bëjnë fjalë për fjalë çfarë të duan. Ato e kanë fshirë plotësisht ekzistencën e ligjit ndërkombëtar dhe domosdoshmërinë e zbatimit të tij.”
Fico e përshkroi kapjen e Maduros si “rrëmbim”, duke vënë në dukje se edhe Këshilli i Sigurimit i OKB-së (OKB) dukej i pafuqishëm për të reaguar.
“OKB është në gjunjë. Pa reformë dhe një forcim të vërtetë të fuqive të saj, Këshilli i Sigurimit të OKB-së është krejtësisht i pafuqishëm”, tha ai. “Mund të shikojmë vetëm me mosbesim teksa njësitë elitare amerikane rrëmbejnë presidentin e një vendi sovran dhe SHBA-të njoftojnë se do të sundojnë mbi 30 milionë venezuelianë.”
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
