Sekretari amerikan i Mbrojtjes, Pete Hegseth, njoftoi të premten se SHBA-të kishin kryer një tjetër sulm kundër një anijeje që dyshohet se u përkiste trafikantëve të drogës.
Operacioni u zhvillua në Detin e Karaibeve, kundër një grupi që Hegseth e identifikoi si organizata kriminale Tren de Aragua.
Hegseth tha se gjashtë narko-terroristë meshkuj ishin në bordin e anijes dhe u vranë.
SHBA-të kanë kryer një seri sulmesh ndaj anijeve në rajon, në atë që Presidenti Donald Trump e ka përshkruar si një përpjekje për të kufizuar trafikun e drogës.
Hegseth postoi një video në X ku tregohej operacioni. Ajo fillon duke treguar një varkë në shënjestër, përpara se të shpërthejë në një re tymi.
Ky është sulmi i dhjetë që administrata Trump ka ndërmarrë kundër trafikantëve të dyshuar të drogës që nga fillimi i shtatorit. Shumica kanë ndodhur në Amerikën e Jugut, në Karaibe, por më 21 dhe 22 tetor ajo kreu sulme në Oqeanin Paqësor.
Anëtarët e Kongresit Amerikan, si demokratë ashtu edhe republikanë, kanë ngritur shqetësime në lidhje me ligjshmërinë e sulmeve dhe autoritetin e presidentit për t'i urdhëruar ato.
Më 10 shtator, 25 senatorë demokratë amerikanë i shkruan Shtëpisë së Bardhë dhe pretenduan se administrata kishte goditur një anije disa ditë më parë"pa prova se individët në anije dhe ngarkesa e anijes përbënin kërcënim për Shtetet e Bashkuara.
Senatori republikan Rand Paul i Kentucky-t ka argumentuar se sulme të tilla kërkojnë miratimin e Kongresit.
Trump tha se ka autoritetin ligjor për të urdhëruar sulmet dhe e ka shpallur Tren de Aragua një organizatë terroriste.
“Na lejohet ta bëjmë këtë, dhe nëse e bëjmë këtë nga toka, mund të kthehemi në Kongres”, u tha Trump gazetarëve të Shtëpisë së Bardhë të mërkurën.
Sekretari i Shtetit i SHBA-së, Marco Rubio, shtoi se“nëse njerëzit duan të ndalojnë së pari anijet e drogës që shpërthejnë, duhet të ndalojnë së dërguari drogë në Shtetet e Bashkuara.
Gjashtë vdekjet në operacionin që Hegseth njoftoi të premten e çojnë numrin total të të vrarëve në sulmet amerikane në të paktën 43.
Ende besohet gjerësisht se këto sulme nuk kanë të bëjnë vetëm me trafikun e drogës, por edhe me ushtrimin e presionit ushtarak mbi qeverinë e Presidentit Nicolas Maduro në Venezuelë.
Ai është një armik i hershëm i Donald Trump, i cili e ka akuzuar prej kohësh atë si udhëheqës të një organizate trafikimi droge, diçka që ai e mohon.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
