Papa Leo XIV e kaloi 4 Korrikun në ishullin italian të Lampedusës, simbol i krizës së migracionit në Mesdhe, ku nderoi mijëra emigrantët që kanë humbur jetën në përpjekje për të arritur në Evropë.
Gjatë vizitës, Ati i Shenjtë u lut në varrezat e emigrantëve, u takua me disa prej tyre në port dhe kremtoi një meshë, duke theksuar se "gjestet kanë nevojë për një zemër" dhe se çdo njeri meriton dinjitet dhe mbrojtje.
Papa u bëri thirrje vendeve evropiane të përballen me sfidën e migracionit me solidaritet, duke kombinuar ndihmën e menjëhershme me politika afatgjata për pritjen, mbrojtjen dhe integrimin e migrantëve, si edhe zhvillimin e vendeve të origjinës për të reduktuar emigrimin e detyruar.
Vizita u interpretua edhe si një mesazh simbolik ndaj politikave të ashpra të emigracionit, ndërsa Papa kujtoi se mirëpritja e migrantëve është një detyrim moral dhe një njohje e dinjitetit të çdo qenieje njerëzore.
Ai nderoi gjithashtu trashëgiminë e Papa Françeskut, i cili e vizitoi Lampedusën në vitin 2013, duke vendosur lule në varrezat e emigrantëve dhe duke bekuar një memorial kushtuar paraardhësit të tij.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
