Kancelari gjerman Friedrich Merz ka deklaruar se Shtetet e Bashkuara po “poshtërohen” nga Irani në procesin e negociatave, duke kritikuar mungesën e një strategjie të qartë amerikane në menaxhimin e konfliktit.
Ai tha se Irani po tregohet shumë i aftë në negociata duke i lënë SHBA-të pa rezultate konkrete dhe pa një plan të qartë daljeje nga situata.
Merz e krahasoi situatën me rastet e Irakut dhe Afganistanit, duke paralajmëruar për rreziqet e hyrjes në luftëra pa objektiva të përcaktuara.
Ai theksoi se Gjermania dhe aleatët evropianë po përpiqen të sigurojnë stabilitet, përfshirë edhe mbështetjen për sigurinë në Ngushticën e Hormuzit, por sipas tij, konflikti nuk mund të zgjidhet pa ndalimin e luftimeve.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
