Një skelet jashtëzakonisht i rrallë i Nanotyrannus i quajtur Jodi është shitur në ankandin Sotheby's për shifrën marramendëse prej 47.3 milionë dollarësh, duke tejkaluar çdo parashikim fillestar prej 6 deri në 9 milionë dollarë.
Pas një beteje intensive 12-minutëshe mes gjashtë konkurrentëve, ky fosil për pak sekonda nuk theu rekordin botëror prej 50.1 milionë dollarësh të vendosur në korrik nga T. rex-i i quajtur "Gus".
Jodi, me gjatësi 19.6 metra, është një nga vetëm tre skeletet relativisht të plota të Nanotyrannus në botë. Ai u zbulua në vitin 2019 në Montana nga fermerja Jodi Pierson dhe paleontologu Clayton Phipps.
Ekzistenca e kësaj specieje ka qenë e debatuar gjatë, por së fundmi paleontologët po anojnë nga ideja se Nanotyrannus është një dinosaur më vete dhe jo një T. rex i mitur.
Shitja te një blerës privat ka ngritur shqetësime të mëdha akademike. Paleontologë të njohur si Steve Brusatte dhe David Hone shprehën keqardhje dhe paralajmëruan se zhdukja e këtij fosili në koleksione private e privon shkencën nga studimi i tij dhe publikun nga frymëzimi.
Skeleti u shit me "të drejta të plota", gjë që i lejon pronarit të ri të panjohur të prodhojë kopje 3D dhe t'ua shesë ato muzeve ose koleksionistëve të tjerë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
