Çmimi i naftës së papërpunuar Brent u rrit sërish mbi 100 dollarë për fuçi, duke arritur 103.94 dollarë në tregjet aziatike të martën, pas një rënieje të fortë një ditë më parë.
Luhatjet vijnë si pasojë e deklaratave kontradiktore për bisedime të mundshme mes SHBA-së dhe Iranit.
Presidenti amerikan Donald Trump deklaroi se kishte pasur bisedime “produktive” me Teheranin dhe shtyu kërcënimet për sulme, çka ndikoi në rënien e çmimit të naftës. Megjithatë, Irani mohoi çdo kontakt, duke e cilësuar situatën si manipulim tregu.
Tensionet u rritën pasi SHBA paralajmëroi sulme ndaj infrastrukturës iraniane nëse Ngushtica e Hormuzit nuk rihapej, ndërsa Irani kërcënoi kundërpërgjigje.
Konflikti ka shkaktuar paqëndrueshmëri të madhe në tregjet globale të energjisë, duke ndikuar edhe në bursat aziatike.
Ndërkohë, vendet po marrin masa për të përballuar rritjen e çmimeve të energjisë, përfshirë lehtësimin e sanksioneve dhe ndërhyrje në çmimet e karburanteve.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
