Presidenti amerikan Donald Trump ka deklaruar se po shqyrton mundësinë e tërheqjes së trupave amerikane nga Italia dhe Spanja, si pjesë e një rishikimi më të gjerë të pranisë ushtarake të SHBA-së në Evropë.
Gjatë një konference për shtyp në samitin e NATO-s në Hagë, Trump u shpreh se ky hap mund të merret në përgjigje të kritikave të dy vendeve ndaj politikave të SHBA-së në Lindjen e Mesme, duke thënë se Italia “nuk na ka ndihmuar aspak” dhe Spanja ka qenë “shumë e ashpër” në qëndrimet e saj.
Sipas tij, vendimi lidhet edhe me mosmarrëveshje politike dhe ushtarake, përfshirë refuzimin e përdorimit të bazave ajrore dhe distancimin nga operacionet amerikane.
Italia, e udhëhequr nga Giorgia Meloni, ka pasur përplasje me administratën amerikane për çështje të përfshirjes në konfliktet në Lindjen e Mesme dhe përdorimin e infrastrukturës ushtarake.
Ndërkohë, Spanja, nën drejtimin e Pedro Sánchez, ka qenë ndër kritikët më të zëshëm të politikave ushtarake të Uashingtonit, duke shkaktuar reagime të forta nga Trump.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
