Në zgjedhjet lokale të zhvilluara në Mynih, fitues është shpallur kandidati 35-vjeçar Dominik Krause nga Partia e Gjelbër, duke shënuar një moment historik për qytetin gjerman.
Krause arriti të sigurojë rreth 56% të votave, duke mposhtur kryebashkiakun aktual Dieter Reiter.
I njohur më parë si nënkryetar i Mynihut (Second Mayor) dhe me formim në fizikë të aplikuar, Krause ka ndërtuar profilin e tij si një figurë progresiste dhe e angazhuar në politikat urbane dhe mjedisore. Me këtë fitore, ai bëhet kryebashkiaku i parë i Partisë së Gjelbër në historinë e qytetit.
Zgjedhja e tij ka tërhequr vëmendje të gjerë edhe për një tjetër arsye: Krause ka dalë hapur për preferencat e tij homoseksuale, duke u bërë kështu edhe kryebashkiaku i parë i tillë në Mynih.
Momenti i festimit të fitores u bë viral, teksa ai dhe partneri i tij u përqafuan dhe u puthën publikisht, duke simbolizuar një mesazh të fortë për barazi dhe përfshirje në shoqëri.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
