Presidenti amerikan Donald Trump duket se ngurron të veshë një jelek antiplumb në paraqitjet e ardhshme publike pas sulmit në Darkën e Korrespondentëve të Shtëpisë së Bardhë.
Ai madje ia atribuoi refuzimin e tij faktit se jeleku do ta bënte të dukej më i shëndoshë!
“Nuk e di nëse më pëlqen të dukem 4.5 kg më i shëndoshë”, u përgjigj ai kur u pyet nga gazetarët në Shtëpinë e Bardhë.
Ditët e fundit, mediat amerikane raportuan se po diskutohen në nivelet më të larta rreth mundësisë që Presidenti Trump mund të detyrohet të fillojë të veshë një jelek antiplumb në paraqitjet e ardhshme publike.
“Më është pyetur. Ndoshta është diçka që dikush duhet ta marrë në konsideratë. Nga njëra anë, nuk doni ta bëni sepse është si t’i dorëzoheni të keqes. Kështu që nuk e di. Megjithatë, më është pyetur”, tha presidenti amerikan.
Sulmi në Darkën e Korrespondentëve është tentativa e tretë për të qëlluar ndaj Donald Trump në dy vitet e fundit, ku më i rëndi është dëmtimi në vesh nga të shtënat me armë zjarri në një tubim në Pensilvani në vitin 2024.
Trump njihet gjithashtu për ndjeshmërinë e tij në lidhje me pamjen e tij, ku bazuar në ekzaminimin e tij të fundit mjekësor në prill 2025, peshon 101.6 kilogramë, rreth dhjetë kilogramë më pak se në vitin 2019.
I asked President Trump if he will start wearing a bulletproof vest. pic.twitter.com/AvxvI5w0OY
— Libbey Dean (@LibbeyDean_) April 30, 2026
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
