CHP, partia kryesore opozitare në Turqi, u përfshi në përplasje të forta të dielën pasi policia turke hyri me forcë në selinë e saj në Ankara.
Jashtë ndërtesës u përdor gaz lotsjellës, ndërsa anëtarët e partisë kishin ngritur barrikada për të bllokuar hyrjet. Pamjet nga vendi i ngjarjes treguan përleshje mes protestuesve dhe policisë, me sende të hedhura drejt forcave të sigurisë dhe përdorim të ujit me presion.
Kriza nisi pasi një gjykatë anuloi zgjedhjen e liderit aktual të CHP-së, Özgür Özel, duke vendosur që ai të zëvendësohet nga Kemal Kilicdaroğlu, ish-kreu i partisë dhe kandidati që humbi zgjedhjet presidenciale të vitit 2023 përballë presidentit Recep Tayyip Erdoğan.
Özel refuzoi ta njohë vendimin dhe deklaroi se nuk do të largohej nga drejtimi i partisë. Sipas mediave turke, përfaqësuesit e Kilicdaroğlu kërkuan ndërhyrjen e policisë për të marrë kontrollin e selisë, duke pretenduar se nuk po lejoheshin të hynin.
Guvernatori i Ankarasë urdhëroi policinë të zbatojë vendimin e gjykatës, çka çoi në hyrjen me forcë të policisë në ndërtesë dhe në përplasje mes mbështetësve të dy krahëve të partisë.
Në një video të publikuar në X, Özel tha: “Jemi nën sulm.” Më pas ai doli nga selia i rrethuar nga mbështetësit dhe marshoi drejt parlamentit turk.
“Ata u përpoqën të na largojnë me forcë,” deklaroi ai para turmës, duke shtuar se partia “nga tani do të jetë në rrugë dhe në sheshe, duke marshuar drejt pushtetit.”
Ngjarja shihet si një përshkallëzim i tensioneve politike në Turqi dhe si një zhvillim që mund të forcojë më tej kontrollin e Erdoğan mbi skenën politike të vendit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
