Djali i princeshës norvegjeze dënohet me katër vjet burg për përdhunim, drogë dhe dhunë

Marius Borg Hoiby u dënua me katër vjet burg për dy akuza për përdhunim dhe për dhunë ndaj ish-të dashurës së tij.

Djali i Princeshës së Kuorës Mette-Marit nga një marrëdhënie e mëparshme i mohoi akuzat dhe ndodhej në paraburgim kur gjykata e Oslos dha vendimin.

Një nga rastet për të cilat Borg Hoiby u dënua ishte për marrëdhënie seksuale me një partnere ndërsa ajo ishte në gjumë.

Gjykata shqyrtoi videon e filmuar nga vetë Hoiby, e cila ishte çelësi për të përcaktuar se çfarë ndodhi. Hoiby u dënua gjithashtu për përdorim droge dhe shkaktim lëndimesh trupore.

Gjykata theksoi se veprimet e tij kishin sjellë pasoja serioze për viktimat dhe se dënimi pasqyronte rëndësinë e veprave penale për të cilat u gjykua.

Rasti ka ngjallur reagime të shumta në opinionin publik norvegjez, duke rikthyer në vëmendje debatet mbi përgjegjësinë individuale dhe trajtimin e barabartë para ligjit, pavarësisht statusit shoqëror apo lidhjeve familjare.