New Orleans po përballet me një kërcënim ekzistencial nga rritja e nivelit të deteve, paralajmërojnë shkencëtarët në një analizë të publikuar në revistën Nature Sustainability.
Sipas studimit, qyteti amerikan mund të rrethohet nga ujërat e Gjirit të Meksikës para fundit të këtij shekulli, ndërsa ekspertët kërkojnë që procesi i zhvendosjes së banorëve të nisë që tani për të shmangur një krizë kaotike në të ardhmen.
Rajoni bregdetar i Luizianës po humbet me shpejtësi ligatinat mbrojtëse dhe përballet me rritje të nivelit të detit deri në 7 metra.
Shkencëtarët paralajmërojnë se stuhitë dhe përmbytjet do të bëhen gjithnjë e më shkatërruese, ndërsa pothuajse e gjithë popullsia e New Orleans mbetet në rrezik të lartë përmbytjesh. Pas uraganit Katrina në vitin 2005, qyteti ka humbur rreth 25% të popullsisë së tij.
Autorët e raportit thonë se një zhvendosje e planifikuar mirë mund të shmangë kolapsin ekonomik dhe social, por paralajmërojnë se vonesat do të rëndojnë sidomos komunitetet më të varfra dhe njerëzit me ngjyrë.
Ndërkohë, kritikët frikësohen se zhvendosja mund të shkatërrojë identitetin kulturor unik të qytetit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
